Gazeta10

BIK-u thirrje shtetit të veprojë: Dy xhami në Viti, jashtë kontrollit tonë

Në komunën e Vitisë janë të identifikuara dy xhami, të cilat nuk janë nën ombrellën e Bashkësisë Islame të Kosovës (BIK).

Kështu ka bërë të ditur përfaqësuesi i Këshillit të Bashkësisë Islame të Vitisë, Husamedin Hoxha, në mbledhjen e sotme të Këshillit Komunal për Siguri në Bashkësi, ku është edhe anëtar.

Ai ka shpjeguar para anëtarëve të KKSB-së, se ka kohë që në Komunën e Vitisë janë dy vend faljeje apo xhami, që janë funksionale jashtë juridiksionit të BIK­-ut.

Hoxha tha se bëhet fjalë për xhaminë e vjetër në fshatin Skifteraj dhe xhamia e re akoma e papërfunduar në fshatin Ramnishtë me imamë që janë të vetëshpallur.

Ai tha se për këtë edhe i ka njoftuar autoritetet shtetërore të sigurisë.

“Ju e dini se janë dy xhamia në komunën e Vitisë që jashtë kontrollit të Bashkësisë Islame të Vitisë, vizitat e disa njerëzve dhe ardhja e njerëzve të pa njohur në ato objekte për mua është tepër shqetësues, po vizitohet pikërisht ato dyja që nuk janë nën kontrollen tonë, njerëzit që vijnë aty janë të panjohur jo nga komuna jonë, kjo është shqetësuese. Ne si BIK kemi njoftuar të gjitha autoritetet shtetërore dhe kemi adresu edhe këtu disa herë këtë problem. Këtu duhet veprim të shtetit. Na kemi informuar çdo institucion që merret me çështje të sigurisë se këto dy vende publike janë ilegale na si institucion nuk kemi forcë ma shumë. Unë po ju njoftojë se ato dy xhamia ne nuk i menaxhojmë, imamët janë ilegal ne nuk e paguajmë, kemi hapur konkurs për imam por askush është interesuar sepse ka kërcënime”, tha mes tjerash ai para anëtarëve të KKSB-së, transmeton PlusTV.

Kurse, nënkryetari i komunës, Hasan Aliu, tha se për këtë dukuri fajtore është Bashkësia Islame e Kosovës e cila, sipas tij, s’ka arritur t’i përfshijë në menaxhim dhe u kërkoi ta zgjidhin këtë problem. Nga Policia e Kosovës që ishin të pranishëm në mbledhjen e KKBS, nuk pati ndonjë sqarim lidhur me shqetësimet e Këshillit të Bashkësisë Islame në Viti, se çfarë është bërë me këto xhami, që janë raportuar si të pakontrolluara.

Për këto shqetësime të ngritura edhe më herët nga KBI-ja në Viti, javë më parë Plus TV kishte vizituar objektin e xhamisë në fshatin Ramnishtë, por ekipi i televizionit nuk u lejua të xhiroj nga frekuentuesit që gjendeshin aty për të kryer rituale fetare dhe gazetarët ishin penguar për të kryer punën e tyre.

NË FOKUS

IMG_9162
Ky është 61-vjeçari që u gjet i vdekur në një motel në Ferizaj (Foto)
policia-naten-1-600x347-1
Rast tragjik në autostradën ‘Arbën Xhaferi’: Kjo është e reja që u gjet pa shenja jete
ermal
“Po lajmëroj largimin tim…”, Ermal Fejzullahu habit me postimn e fundit
IMG_9159
Gjendet në Hamburg nga policia gjermane vajza e mërgimtarit kosovar
ajazi
Dy muaj pasi humbi fëmijën, ndërron jetë drejtoresha e Dhomës Ekonomike të gruas
Screenshot 2024-02-15 231958
Të shtënat tek ‘Bregu i Diellit’- Zbulohen se kush janë dy personat që u plagosën dhe të dyshuarit e arrestuar për këtë plagosje
reagimi-Behluli
Burri i Shkurte Fejzës i reagon ashpër Shefqet Krasniqit, e quan atë psikopat
visarii
I dyshuar për vrasjen qe tronditi Norvegjinë - Kush është Visar Avdyli qe u arrestua nga policia e Kosovës?