Zëvendëskryeministri i parë i Kosovës, Besnik Bislimi, do të marrë pjesë online në konferencën mbi sigurinë në Ballkanin Perëndimor që do të mbahet sot në Beograd, raporton Gazeta10.

Kështu ka bërë të ditur Bislimi, mbrëmë përmes rrjetit social Twitter.

“Unë do të marr pjesë online në konferencën nesër. I kërkojmë ndjesë gjithë trupit diplomatik, shoqërisë civile org. & organizatorë, që nuk mundëm të jemi aty dhe të tregojmë këndvështrimin tonë për proceset në të cilat ndodhemi. Për ngjarjet e sotme kemi informuar edhe aktorët ndërkombëtarë”- ka thënë Bislimi në Twitter.

Gjatë ditës së djeshme Bislimi u kthye në gjysmë të rrugës nga autoritetet serbe.

Për këtë ka thënë se arsyeja e ndalimit të tij nuk ka qenë siguria, por fakti se në këto dy forume, Kosova planifikonte ta shpaloste anën e saj të zhvillimeve në vend, duke kundërshtuar, siç tha ai, propagandën që po u shpërndahet qytetarëve në Serbi nga qeveria serbe./Gazeta10

5/5 I will participate online at the conference tomorrow. Apologies to the entire diplomatic corps, civil society org. & organizers, for not being able to be there & show our point of view on the processes we are in. For today’s events, we have also informed international actors.

— Besnik Bislimi (@BislimiBesnik) October 27, 2022