Një aksident trafiku ka ndodhur në orët e para të mëngjesit të sotëm në autostradën “Arbër Xhaferi”, në afërsi të Ferizajt.

Pamje nga vendi i ngjarjes janë publikuar nga faqja lokale në Facebook “S’je Kaçanikli, nëse”, ku shihet një veturë e tipit BMW e cila është shkatërruar pothuajse tërësisht.

Nuk dihet ende nëse ka persona të lënduar apo çfarë janë rrethanat që çuan në aksidentin, por njësitë përkatëse të Policisë së Kosovës kanë dalë në vendin e ngjarjes dhe po merren me hetimin e rastit.