Stuhi të mëdha shiu përfshinë pasditen e djeshme pjesë të Kosovës.

Reshjet e shiut ishin të shoqëruara edhe me breshër, që në disa rajone ra në sasi të madhe. Më së shumti u goditën rajoni i Prizrenit dhe Dragashit.

Pastaj, Ferizaj, lokalisht edhe rajonet tjera.

Për pasojë shumë kultura bujqësore janë dëmtuar.

Gjendje më e rënduar nga reshjet ishte  Opojë dhe fshatrat përreth, ku uji ka marrë rrugët duke depërtuar edhe nëpër shtëpi.

Mot i paqëndrueshëm pritet edhe sot. Sipas Prishtina Weather, që nga orët e para të ditës së enjtë apo mesdita, rrebeshe shiu dhe bubullima pritet të përfshinë pjesët veriore të vendit, duke kaluar më vonë pasdite edhe në pjesë tjera.

Vende-vende mund të priten akumulime më të shumta reshjesh, që edhe mund të çojnë tek ndonjë përmbytje të shpejtë.

Temperaturat minimale zbresin në 17C e 18C, derisa rënie shënojnë edhe maksimalet në 25C e 27C .