Michael Chertoff ishte sekretar i Sigurisë Kombëtare në ditën e sulmeve të 11 shtatorit dhe shpejt u drejtua për në qendrën e komandës së FBI-së.

Ai ka dhënë një pasqyrë se si ishte reagimi i ekspertëve më të shquar të sigurisë në vend.

“Isha duke folur në telefon. Po flisja me zëvendësin tim dhe zëvendësi im tha se një aeroplan goditi Qendrën Botërore të Tregtisë”, tha ai.

“Dhe si shumë njerëz, reagimi im i parë është se ndonjë pilot i një aeroplani të vogël duhet të jetë ngatërruar”, shtoi Chertoff.

“Por brenda pak minutash, ai tha se një aeroplan i dytë u godit dhe unë i thashë se nuk është aksident”, vazhdoi ai.

“Ne e dinim që tani ishim nën sulm.”

Disa minuta më vonë, ai shkoi në Qendrën e Operacioneve dhe Inteligjencës së FBI-së, ku do të menaxhohej çdo krizë sigurie.

“Mbaj mend qartë që dëgjova urdhrin, në të vërtetë, për të rrëzuar aeroplanin e katërt”, tha ai.

“Por, siç ndodhi, aeroplani nuk u rrëzua për shkak se u qëllua me armë, por për shkak të heroizmit të pasagjerëve që sakrifikuan jetën e tyre për të shpëtuar të tjerët”, deklaroi ish-sekretari i Sigurisë Kombëtare

Shqetësimi kryesor që kishin në momentet e para, zbuloi ai, ishte: sa sulme të tjera do të ketë sot dhe a do të jenë ato edhe më keq?

“A do të ketë sulme kimike, sulme biologjike?”