Futbollistet e Kosovës do ta kërkojnë fitoren e parë në Ligën e Kombeve. “Dardanet”, të premten përballen me Maqedoninë e Veriut në kuadër të Grupit 5 të ligës C të Ligës së Kombeve.

Kjo ndeshje zhvillohet në Shkup dhe nis në orën 13:00. Për Kosovën, kjo do të jetë ndeshja e dytë në Ligën e Kombeve pas barazimit pa gola në udhëtim te Bullgaria muajin e shkuar.

Kosova është grumbulluar në fillim të kësaj jave, pasi këtë muaj do t’i luajë dy ndeshje në kuadër të kësaj gare.

Më 31 tetor, në Prishtinë, do të përballet sërish me Maqedoninë e Veriut, që zë vendin e fundit në tabelë pa pikë.

Bullgaria i prin grupit me 4 pikë dhe një ndeshje më shumë të luajtur se Kosova e Maqedonia e Veriut.