Mesfushori holandez, Frenkie de Jong, mund të mungojë për Barcelonën në ndeshjen e dytë të gjysmëfinales së Kupës së Mbretit.

Gjysmëfinalja e dytë ndaj Real Madridit zhvillohet të mërkurën në “Camp Nou”.

De Jong ka lëndim në kofshën e këmbës së djathtë dhe nuk dihet nëse do të jetë plotësisht i gatshëm për lojë.

Në këtë ballafaqim do të mungojnë Pedri, Ousmane Dembele dhe Andreas Christensen.

Barcelona është në kërkim të “tripletës” së Spanjës.

E ka fituar Superkupën e Spanjës, ndërsa synon të korrë sukses edhe në Kupën e Mbretit dhe në ligë.