Alban Bajrami, deputet i Lëvizjes Vetëvendosje, gjatë emisionit Info10 ka thënë se e ka cilësuar si gabim shkarkimin e Visar Korenicës nga pozita e koordinatorit në degën e Rahovecit, raporton Gazeta10,.

“Unë nuk e di zanafillën sepse nuk jam i familjarizuar me degën e Rahovecit, por që Visarin e njoh mirë, kam vlerësim të jashtëzakonshëm për të. E në qofte se ka ardhur te shkarkimi për çështje së dorës së dytë ose të tretë, mendoj që është gabim, për shkak se ai ka bërë shumë më shumë për Vetëvendosjen”, ka thënë Bajrami.

Megjithatë, ai ka refuzuar ta konsiderojë këtë si “hakmarrje të Kurtit ndaj Korenicës”./Gazeta10.