Deputetja e Lidhjes Demokratike të Kosovës, Hykmete Bajrami, me një postim në Facebook i ka kërkuar Kryeministrit Albin Kurti që t’u kërkojë falje punëtorëve të krahut, pas deklaratës së tij në konferencë se “kur ti nuk nxjerr kuadro të mira arsimore, atëherë prodhon ose njerëz për asistencë ose punëtorë krahu në Gjermani”, raporton Gazeta10.

“Këta punëtorë të krahut e kanë mbajtur Kosovën. Ata nuk janë analfabetë. Janë larguar në vendet e BE e deri në Amerikë jo pse janë analfabetë. Janë plot arsye tjera pse janë larguar dhe po largohen edhe sot nga atdheu. Ka shembuj gjithandej të punëtorëve të krahut të zotë që sot kanë krijuar biznese të suksesshme në gjithë botën. Këta punëtorë krahu sjellin qindra miliona euro për Kosovën përmes remitencave! Prandaj, Kryeministër kërko falje!”, tha Bajrami./Gazeta10.