Shoqata Sindikale e Anëtarëve të Shërbimit të Jashtëm, zyrtaret e MPJD-se sot kanë dalur para objektit të MPJD-së , për të shprehur pakënaqesitë dhe mospajtimet me zhvillimet e fundit, raporton Gazeta10.
Organizatorët gjatë kësaj proteste kanë listuar një varg kërkesash për ministren Donika Gërvalla, duke apeluar që menjëherë të kthehet rendi Kushtetues dhe ligjshmëria e përligjur në Shërbimin e Jashtëm.
Drejtori i Shërbimit të Jashtëm, Albert Prenkaj, tha se po o bëhet presion i vazhdueshëm, duke shtuar se në këtë ministri është instaluar sistemi i shantazhit.
“Shoqata sindikale kemi dal sot për të shprehur pakënaqësitë indinjatën me zhvillimet në këtë ministri. Kërkesa është akt i shprehjes tonë të pakënaqësive dhe veprimeve të menaxhimit të kësaj ministrie. Ajo çka po ndodh është e paprecedentë. Të gjithë jemi dëshmitar të një presioni ndaj secilit prej nesh dhe i pamë koleget që u larguan sepse janë të frikësuar. Në MPJD fatkeqësisht është instaluar sistemi i shantazhit”, tha Prenkaj.
Kërkesat e protestës:
Që menjëherë të kthehet rendi Kushtetues dhe ligjshmëria e përligjur në Shërbimin e Jashtëm;
Të ndërpritet sulmi kundër aktivitetit sindikal, gjegjësisht kryetarit te Shoqatës Agron Malokut, dhe kthimi i tij në MPJD;
Të shfuqizohet menjëherë nga Qeveria e Republikës së Kosovës Rregullorja 1/2022 mbi Riorganizimin dhe Sistematizimin ne MPJD. Fillimisht të bëhen ndryshimet ligjore pastaj të funksionalizohen aktet nënligjore.
Të vendosen në pozita udhëheqëse të Sekretarit dhe të tjerët sipas ligjit dhe hierarkisë së administratës, të largohen menjëherë nga detyrat diletantët dhe Klika menaxhuese e vendosur me vendime të jashtëligjshme: Behar Isma me koeficientin 9 e që ushtron detyrën e zv.SP me diktate dhe arbitraritet të paligjshëm; Vigan Berisha bashkëpjesëmarrës në paligjshmëri; Ragip Zejnullhu dhe të ndërmerren masat disciplinore dhe mjete juridiko-gjyqësore për shkeljet e vazhdueshme ligjore që janë duke i bërë;
Të nderpritet hakmarrja ndaj sindikatës dhe kryetarit te saj menjëherë ne pajtim me ligjin për organizimin sindikal;
Të shfuqizohen të gjitha vendimet arbitrare që kanë shkaktuar largimin e kolegëve nga puna dhe të mos merren vendime për largimin nga puna pa vendim të gjykatës;
Të aplikohet sistemimi adekuat i kolegëve me përvojë dhe me grada diplomatike;
Të ndërpritet përndjekja dhe segregacioni i diplomatëve dhe zyrtarëve me përvojë të gjatë diplomatike, mbi baza administrative, gjinore dhe etnike, e që e tërë kjo prapavijë të diferencimit administrativo-politik;
Të ndërpriten konkurset e shpallura në mënyrë kundër ligjore;
Të ndërpritet përndjekja dhe diskriminimi i diplomatëve nëpër komisione të kurdisura;
Të ketë trajtim meritorë sipas praktikave të mira ndërkombëtare të zyrtarëve diplomatik në MPJD në Ligjin për Pagat;
Të përmirësohen kushtet e punës në hapësirat e MPJD-së dhe te drejtat tjera te zyrtareve dhe diplomateve ne MPJD;
Gradimet selektive, privilegjuese dhe diskriminuese;
Nxjerrja e akt emërimeve në mënyrë selektive dhe mohimi për një pjesë të nëpunësve civil./Gazeta10.
