Shefi i zyrës së BE-së në Kosovë, Ambasadori Tomáš Szunyog, me një postim në rrjetin social Twitter duke uruar Ditën Ndërkombëtare të Rinisë, ka shkruar se që nga viti 2007 deri në vitin 2022, Bashkimi Europian ka mbështetur dhe ndihmuar arsimimin në Kosovë me mbi 85 milionë euro të investuara, raporton Gazeta 10.

“Në Ditë Ndërkombëtare të Rinisë, dua të theksoj se arsimi është çelësi i zhvillimit!
Kjo është arsyeja pse BE vazhdon të investojë në edukimin e të rinjve në Kosovë
Nga viti 2007 deri në 2022, #BE ka investuar më shumë se 85 milionë euro në përmirësimin e cilësisë së arsimit fillor, të mesëm dhe të lartë në Kosovë.”, ka thënë ai.

Ambasadori gjithashtu ka theksuar se vetëm programi i ErasmusPlus që nga viti 2014 deri në 2021, ka investuar mbi 12.5 milionë euro.

“Përveç kësaj, nga viti 2014 deri në vitin 2021, programi @EUErasmusPlus ka investuar më shumë se 12.5 milionë euro në arsimimin e të rinjve dhe stafit akademik nga #Kosova, ku 3880 prej tyre janë shpërngulur në Evropë, ndërsa 2074 kanë ardhur për të studiuar dhe punuar në Kosovë.”, ka shkruar Szunyog në llogarinë e tij në Twitter. / Gazeta 10