
Një përplasje e ashpër ka ndodhur në “Politiko” në mes të analistëve politikë, Fidan Ramës dhe Xhavit Drenorit për qeverisjen Kurti.
Drenori ka thënë se qeveria Kurti ka qeverisur më mirë se kasta e vjetër politike.
“Jam i lumtur shumë që ajo kasta e vjetër ka dalë në opozitë. Kurrë s’e kisha besu që atëherë VV merr 51%”, ka thënë Drenori.
Mirëpo, Rama ia ka rikujtuar një deklaratë të mëhershme të Drenorit, kur ai e quante “mashtrues” kryeministrin Kurti.
“A duhet qeky vend me ia besu 51% mandatin një mashtruesi që e ke quajtue ti?”, ka pyetur Rama.
Por megjithatë, Drenori ka sqaruar se ka qenë një deklarim i momentit, kur edhe ka qenë figurë politike.
“Nuk e kam quajtur mashtrues. Ka qenë një shpërthim i imi. Atëherë kam qenë figurë politike”, ka thënë Drenori.
Me shaka, Rama e ka pyetur nëse e ka fshirë postimin e njëjtë kur Drenori i referohej Kurtit si mashtrues.
“A e ke fshi prej fb a e ki hala? Nëse e ke fshi ta lexoj”, ka pyetur Rama. /Gazeta10