Ylli botëror, Dua Lipa, është shprehur shumë e emocionuar që është në Kosovë dhe që po fillon me edicionin tjetër të festivalit Sunny Hill, raporton Gazeta10.

Lipa, gjatë një konference për media, krahas babait të saj, Dukagjin Lipa, dhe kryetarit të Prishtinës, Përparim Ramës, ka premtuar natën të madhe sonte.

“Kemi me u kënaq shumë sonte”, ka thënë ndër të tjera Lipa.

“Faleminderit për suportin, për ndihmën dhe dashurinë që po na jepni çdo ditë që ne ta bëjmë një festival të tillë. Ndihem shumë krenare që jam këtu, që kam mundësi me e sjell performancën. Kemi me u kënaq shumë sonte. Faleminderit shumë, po ndihem shumë mirë që në shtëpinë dhe vendin time me e bë një gjë të tillë”, ka thënë këngëtarja me famë botërore.

Përndryshe, krahas Dua Lipës do të performojnë edhe yjet të tjerë me famë ndërkombëtare. / Gazeta10