Në Politiko, profesori dhe ish-kryetari i Gjykatës Kushtetuese, Enver Hasani, komentoi zhvillimet e fundit rreth zgjedhjes së presidentit të Kosovës. Ai tha se kërkesa e zonjës Albulena Haxhiu dhe një grupi deputetësh për të detyruar deputetët të qëndrojnë në sallë dhe të japin 80 vota nuk mund të zbatohet.

“Gjykata nuk mund ta kërkojë një gjë të tillë, për shumë arsye, e para është se ekziston një aktgjykim i vitit 2015, i cili përcakton se deputetët nuk mund të detyrohen të kryejnë një veprim të tillë”, tha Hasani.

Ai shtoi se seanca e thirrur nga Haxhiu duket të jetë fiktive, pasi bazohet në një interpretim të gabuar të Kushtetutës dhe standardeve të gjyqësorit kosovar./Gazeta10