Rahim Salihi, shef i shtabit të Koalicionit të Shqiptarëve në Luginën e Preshevës, në emisionin “Gazeta” ka vlerësuar se zgjedhjet e 15 tetorit në Serbi paraqesin një garë të ngushtë politike, ndërsa ka bërë thirrje për mobilizimin e shqiptarëve në ditët në vijim.

Salihi ka thënë se në Serbi po zhvillohet një përballje mes dy palëve të ndryshme politike, njëra e udhëhequr nga ish-presidenti serb Aleksandar Vuçiq dhe tjetra e njohur si “Lista e Studentëve”.

Sipas tij, përfaqësuesit politikë që garojnë për ulëse në Kuvendin e Serbisë po theksojnë rëndësinë e votës së pakicave në përcaktimin e përbërjes së ardhshme parlamentare.

“Për neve si koalicion i shqiptarëve është jashtëzakonisht me rëndësi mobilizimi i shqiptarëve në ditët në vijim, në mënyrë që të arrijmë të sigurojmë sa më shumë ulëse në Kuvendin e Serbisë”, ka deklaruar Salihi.

Ai ka theksuar se mobilizimi i votuesve shqiptarë është i rëndësishëm për rritjen e përfaqësimit të tyre politik në institucionet e Serbisë./Gazeta10