Të paktën dy persona kanë mbetur të plagosur, pas një gjuajtje me armë zjarri në rrugën “Bajram Kelmendi” në Prishtinë.

Rastin e ka konfirmuar zëdhënësja e policisë për rajonin e Prishtinës, Flora Ahmeti.

Ahmeti tha se personat e lënduar janë dërguar për tretman mjekësor.

“Aktualisht hetuesit policor janë duke ndërmarr të gjitha masat e nevojshme në lidhje me rastin dhe janë në kërkim të personit të dyshuar i cili tashmë është identifikuar”, tha Ahmeti

Të plagosurit, tashmë janë dërguar në spital.