Ish-presidenti Hashim Thaçi kishte negociuar me presidentin serb, Aleksandar Vuçiq për marrëveshjen e Uashingtonit, e jo kryeministri aso kohe, Avdullah Hoti.
Ka deklaruar kështu, ish i dërguari i posaçëm i SHBA-së për dialogun Kosovë-Serbi, Richard Grenell në një intervistë dhënë për “The Pavlovic Torady”.
“Jam i bindur se njerëzit në Kosovë do të ishin në paqe nëse Thaçi do të ishte ende president. Do të kishin po ashtu bashkëpunim të madh ekonomik me fqinjët dhe më tepër vende pune për fëmijët e tyre nëse Thaçi do të kthehej”, ka thënë Grenell.
“Marrëveshja e gjitha ishte negociuar nga Thaçi, Hoti nuk kishte negociuar pjesën më të madhe të saj”, ka deklaruar Grenell.
Kujtojmë se marrëveshje e Uashingtonit u nënshkrua para dy viteve në Shtëpinë e Bardhë, nga Avdullah Hoti, kryeministër i atëhershëm dhe presidenti serb, Aleksandar Vuçiq. /Gazeta10
Gazeta 10 është pjesë e Java Multimedia Production, që ka në pronësi edhe Kanal10 dhe Radio10.
Gazeta 10 është portal informativ që udhëhiqet nga gazetarë me përvojë dhe angazhohet për gazetari cilësore e profesionale, në kërkim të lajmit të fundit, kudo në Kosovë dhe jashtë saj.
Materialet e Gazeta10 mund të rishpërndahen duke e cituar drejt burimin.
Email: [email protected]
Gazeta10, © 2025 Të gjitha të drejtat e rezervuara.
