Ish emisari i Shteteve të Bashkuara të Amerikës për dialogun Kosovë – Serbi, Richard Grenell, pas takimeve të sotme në Bruksel, ka kritikuar sërish Kryeministrin e Kosovës, Albin Kurti. 

Grenell ka thënë se qytetarët e Kosovës meritojnë një lider që punon me Shtetet e Bashkuara të Amerikës dhe Bashkimin Europian, për zhvillim dhe normalizim ekonomik, transmeton Gazeta10. 

Ai në një postim në rrjetin social Tëitter, ka shkruar se Kosova do të duhej të kishte të drejtë lëvizjeve deri më tani. 

Grenell foli edhe për mosliberalizimin e vizave për qytetarët kosovarë, duke thënë se liberalizimi do bëhej nëse ish-presidenti amerikan, Donald Trump dhe ish-presidenti Hashim Thaçi do ishin ende në pushtet. 

“Kosova do duhej të kishte të drejtë lëvizje pa viza deri më tani – dhe do ta kishin nëse Thaçi dhe Trump do të ishin ende në detyrë. Ndaloni debatin dhe punoni drejt marrëveshjeve!”, ka shkruar ndër të tjera ai./Gazeta10 

The people of Kosovo deserve a leader who works with the U.S. and the EU to bring economic development and normalization.

Kosovo should have visa free travel by now – and they would have if Thaci and Trump were still in office.

Stop arguing & work towards agreements!

— Richard Grenell (@RichardGrenell) August 18, 2022