Antoine Griezmann do të largohet nga Atletico Madrid para përfundimit të sezonit.

Sulmuesi francez është në negociata të avancuara me skuadrën nga MLS, Orlando City, të cilët e duan transferimin e tij para përfundimit të sezonit actual.

Merkato në Shtetet e Bashkuara të Amerikës është e hapur deri më 26 mars, çka e bën këtë transferim të mundur në javët në vazhdim.

Griezmann në nëntor e kishte shprehur haptazi dëshirën e tij që një ditë të luante në MLS, teksa palët raportohet të jenë në fazën finale të bisedimeve.

34-vjeçari verën e kaluar rinovoi me Atleticon deri në vitin 2027, por minutazha e kufizuar mund ta bëjë atë të largohet më herët nga Madridi.

Francezi është golashënuesi më i mirë në histori të Atleticos me 210 gola në 480 ndeshje.

Sipas raportimeve të fundit, klauzola e largimit të tij nga “Los Colchoneros” është 25 milionë euro.

Fituesi i Kupës së Botës është lojtar i Atleticos në dy periudha, fillimisht gjatë viteve 2014-2019, e më pas u rikthye sërish në vitin 2021.