Emisioni “Kampionët” vazhdon edhe këtë të diel, kësaj radhe duke trajtuar temën rreth Superligës së Kosovës.

Të ftuar në studio janë si çdo herë analistët e përhershëm: Liridon Leci dhe Bekim Isufi, gjersa atyre i bashkohen edhe Muhamet Dragusha, Liridon Kukaj dhe Blendi Memaj.

Gjatë diskutimit në studio, foli edhe Bekim Isufi, analist i përhershëm i emisionit “Kampionët”.

“Barazimi ndaj Lirisë është një hap fals për Dritën në rrugëtimin e saj për te titulli kampion, këto dy pikë të humbura do ta lëndojnë klubin në fund të sezonit” – tha ai.

Tutje, ai foli edhe për një ‘fenomen’ që po ndodh te skuadra e Dritës, duke e potencuar si një nga faktorët kryesor që po e penalizon këtë skuadër.

“Vetkënaqja te lojtarët e Dritës po rezultojnë me rezultate të dobëta, duke ia vështirësuar vetës punën në tentimin për shpalljen kampion” – përfundoi ai.