Kryetari i Aleancës për Ardhmërinë e Kosovës, Ramush Haradinaj, ka thënë se dialogu duhet të udhëhiqet nga presidenti i ShBA-së, Joe Biden, raporton Gazeta10.

Haradinaj ka thënë se zbatimi i ligjit në gjithë territorin e Kosovës duhet të jetë në përputhje me Kushtetutën dhe ligjet e Kosovës.

Tutje, Haradinaj ka thënë se dialogu Kosovë- Serbi nuk guxon të kthehet prapa por duhet dërguar para drejtë marrëveshjes finale përmes presidentit të ShBA-së, Joe Biden.

Haradinaj i ka shprehur mirënjohje Bashkimit Europian për lehtësimin e dialogut.

Këtu keni statusin e plotë:

“Zbatimi i rendit dhe ligjit në tërë vendin, duhet të ndodh në përputhje me Kushtetutën dhe ligjet e Republikës së Kosovës.

Dialogu i deritashëm nuk guxon të zbehet e të rikthehemi prapë të flasim për të njëjtat tema.

Amerika kësaj here i dha shtytje procesit të udhëhequr nga BE dhe ndihmoi dhe e riktheu normalitetin në raportet Kosovë-Serbi.

Duke i shprehur mirënjohje Bashkimit Evropian për lehtësimin e dialogut, është momenti i duhur që BE ta dorëzojë portfolion te Presidenti Biden, për marrëveshjen finale për njohje reciproke Kosovë – Serbi”, ka shkruar Haradinaj në llogarinë e tij në Facebook. / Gazeta10