Ushtruesja e detyrës së Presidentes së Kosovës, Albulena Haxhiu ka thënë se seanca konstituive e Kuvendit, pritet të mbahet në fillim të muajit gusht.

Në prononcim për medie, Haxhiu ka thënë se javën e ardhshme do të bëhet publike edhe data e seancës dhe ora.

Ajo shtoi se u ka thënë kohë partive politike për bisedime, meqenëse pas konstituimit të Kuvendit, fillojnë të rrjedhin afatet edhe për zgjedhjen e presidentit.