Gazeta10

Historia e polakes që u akuzua nga Enver Hoxha si agjente e huaj, u torturua deri në çmendje

Studiuesi i mirënjohur nga Shqipëria, Kastriot Dervishi, vazhdon të shpalos arkiva të cmuara nga historia tronditëse e Shqipërisë komuniste.

E radhës vjecn për një polake, që u keqtrajtua e dënua nën  dyshimet se ishte agjente.

Barbara Wladislaë Gluc, shtetase polake, u martua me Vasillaq Orgockën dhe në vitin 1956 erdhi në Shqipëri. Me profesion laborante punoi në fabrikën e birrës së qytetit. Në vitet 1962-1966 ishte në përpunim nga Sigurimi i Shtetit, por vetëm në vitin 1968, cilësohej drejtimi ndaj si “agjente e mundshme e zbulimit polak”. Gjatë gjithë përpunimit, deri në arrestimin e saj më 26.2.1969, nuk del asnjë element spiunazhi, por vetëm agjitacion e propagandë dhe “shkelja e dispozitave valutore” (siç quheshin blerjet e vogla).

Hetuesinë në Tiranë e nisi hetuesi Qemal Metaj, por ky nuk e akuzoi më shumë se agjitacion dhe shkelje të dispozitave valutore. Për të përmbysur situatën, pas torturimeve të rënda, çështjen në dorë e mori hetuesi Odhise Porodini, i cili më 8.4.1969, arriti ta detyrojë të nënshkruajë akuzën e “spiunazhit” sipas akteve që kish shkruar vetë. Se çfarë interesi kishte “zbulimi polak”, rreth fabrikës së birrës në Korçë, as Porodini dhe as shokët e tij, nuk i jepnin dum si muhabet. Kaq i kishin akuzat e përgjithshme për “zbulimin polak”.

Barbara që u përfshi në një proces ku ishte edhe i shoqi i saj, u dënua me 25 vjet heqje lirie dhe konfiskim të pasurisë. E shkatërruan nga torturat deri në çmendje. U amnistua dhe lirua më 24.6.1971 pas ndërhyrjes e presionit të ambasadës polake në Tiranë. Me barelë e nisën në Rinas.

“Shoqëria jonë sot, mallëngjehet me historinë e Barbarës, por nuk ndahet dot nga veprat kriminale të odhiseve me shokë” shkroi Dervishi./Gazeta10

NË FOKUS

polici serb
Bashkëshortja e policit të plagosur në Lloznicë, zbulon detaje të reja
plaku-600x360
“Mu afrua dhe më pyeti”, mediat serbe thonë se ky është personi i fundit që kontaktoi me Faton Hajrizin
IMG_3764
“Në kamerën e dyqanit të tij…” – zbulohen detaje të tjera se si pretendohet se u kap Faton Hajrizi
riu
Në lulen e rinisë/ I riu 24 vjeç u vra pas debatit për muzikën e lartë
lloznice
Dëshmitarët okular tregojnë se çfarë ka ndodhur mbrëmë në Lloznicë
pamjee
Publikohet fotografia e Faton Hajrizit të vrarë
faton-600x360
“Me kaq e përfundoj…” – A ishte një sinjal ‘zhdukja’ e Faton Hajrizit nga TikTok-u?
fatonn
Orët e fundit të Faton Hajrizit – sa kilometra i bëri nga vendi ku dyshohet se e vrau policin deri te fabrika ku u strehua