Ish kryeministri i Kosovës, Avdullah Hoti, ka kritikuar Qeverinë e Kosovës duke thënë se SHBA ia ka ndaluar vizitat ministrave për shkak të gjendjes në vend, raporton Gazeta10.

Tutje, Hoti ka thënë se rekomandimi i SHBA-së për targat është racional.

Më tej, Hoti ka thënë se Kosova duhet të koordinohet me institucionet ndërkombëtare të sigurisë.

Këtu keni postimin e plotë:

“SHBA-ja iu ndërpreu vizitat ministrave për shkak të gjendjes në vend. Ndërsa, Kryeministri, për t’i dhënë mesazh SHBA-së, rri më shumë jashtë se në Kosovë.

Vendimin për targat nuk e ndryshon sipas kërkesës së SHBA-së, se jemi vend sovran.

Por Drejtorin e Policisë dhe Drejtorin e Operacioneve i dërgon te Shefi i EULEX-it për tu koordinuar për çështje të sigurisë?”, ka shkruar Hoti në llogarinë e tij në Facebook. / Gazeta10