Një i ri ka humbur jetën dje si pasojë e një vetaksidenti me motoçikletë, në autostradën “Ibrahim Rugova”.

Lidhur me këtë rast policia përmes raportit 24 orësh ka dhënë detaje. Sipas raportit aksidenti ka ndodhur në km 3 Prizren Jug-Vërmicë rreth orës 14:40.

“Është raportuar se viktima mashkull kosovar derisa kishte qenë duke e drejtuar motoçikletën kishte humbur kontrollin mbi drejtimin e mjetit dhe si pasojë ka shkaktuar vet aksident me pasoja fatale, vdekjen e viktimës e ka konstatuar mjeku në vendin e ngjarjes”, thuhet në raport.

Përveç njësive relevante policore në vendin e ngjarjes ka dalë edhe prokurori i shtetit, me urdhrin e të cilit trupi i pajetë është dërguar në IML për obduksion.