Irani ka mohuar kategorikisht se qëndron pas sulmit ndaj novelistit Salman Rushdie, kështu duke fajsuar vetë shkrimtarin dhe mbështetësit e tij. 

Zëdhënësi i Ministrisë së Jashtme në Teheran, Nasser Kanaani, ka thënë se askush nuk ka të drejtë të akuzojë Republikën Islamike të Iranit për sulmin ndaj Rushdie, transmeton Gazeta10. 

”Në këtë sulm ne konsiderojmë se askush tjetër, përveç Salman Rushdie dhe mbështetësve të tij, është fajtor apo meriton të dënohet…Irani nuk ka asnjë informacion për agresorin e Rushdies përveç atyre që janë publikuar në media”, citohet të ketë thënë Kanaani. 

Salman Rushdie aktualisht gjendet i shtrirë në një spital të New York, ku po trajtohet në plagët e shumta që i mori nga sulmi me thikë./Gazeta10