Kryeministri i rrëzuar i Pakistanit, Imran Khan, i ka mbijetuar një sulmi me armë në autokolonën e tij teksa po zhvillonte një marshim proteste në qytetin lindor të Wazirabad.

Ai u plagos në këmbë kur një breshëri armësh goditi automjetin e tij. Një person ka humbur jetën dhe të paktën pesë të tjerë janë plagosur.

Nuk kishte asnjë koment të menjëhershëm zyrtar mbi motivin e sulmit për të cilin aleatët thonë se ishte një urdhër për vrasje.

Marshi protestues ishte thirrur për të kërkuar zgjedhje të parakohshme.

Khan, 70 vjeç, po e drejtonte marshimin, i cili duhej të përfundonte në kryeqytetin Islamabad.

Ish-ylli ndërkombëtar i kriketit, i kthyer në politikan, u pa duke u dërguar në një spital në Lahore. Një zëdhënës i partisë tha se ai ishte qëlluar në këmbë.

Politikani ishte në një gjendje të qëndrueshme, por një operacion ishte i mundshëm të ndodhte, thanë ndihmësit.

Policia publikoi një video-rrëfim të një personi që arrestoi, i cili sipas tyre tentoi të vriste ish-kryeministrin.

Është e paqartë se në çfarë kushtesh është kryer intervista, por në të burri pyetet nga policia se pse hapi zjarr dhe përgjigjet: “Ai po i devijonte njerëzit. Doja ta vrisja. U përpoqa ta vrisja“.

Duke folur për programin Newshour të BBC World Service, një ndihmës i lartë dhe zëdhënës i Khan akuzoi qeverinë pakistaneze se ishte “përfshirë drejtpërdrejt” në sulm.

Raoof Hasan e hodhi poshtë rrëfimin me video të publikuar nga qeveria si një “mbulim të ashpër” dhe tha se qeveria “po përpiqej ta eliminonte [Imran Khan] fizikisht”.