Ish-Papa Benedikti është në një gjendje “të qëndrueshme”, tha Vatikani të premten, mes shqetësimeve të vazhdueshme për shëndetin e papës 95-vjeçare në pension, shkruan Reuters, transmeton Gazeta10.

Benedikti pati një natë të qetë dhe të enjten pasdite mori pjesë në një meshë të kremtuar në dhomën e tij, tha zëdhënësi i Vatikanit Matteo Bruni.

“Për momentin gjendja e tij është stabile”, shtoi ai.

Benedikti po kujdeset në një ish-manastir brenda Vatikanit, ku jeton që nga viti 2013, kur u bë Papa i parë në rreth 600 vjet që dha dorëheqjen në vend që të sundonte përjetësisht.

Papa Françesku zbuloi fillimisht se shëndeti i Benediktit ishte përkeqësuar rëndë të mërkurën, kur tha se paraardhësi i tij ishte “shumë i sëmurë” dhe bëri thirrje për lutje të veçanta për të. / Gazeta10