Ardian Ismajli pritet t’i mungojë Shqipërisë në ndeshjet e këtij muaji për shkak të lëndimit.

Përzgjedhësi Sylvinho pritet ta lë jashtë listës Ismajlin.

Mbrojtësi i Empolit u lëndua në ndeshjen e fundit në Serie A kundër Milanit.

Empoli ka bërë të ditur se Ismajli e ka lënduar muskulin e kofshës së djathtë. Ai u detyrua të largohej nga fusha në fund të pjesës së parë.

Shkaku i lëndimit, Ismajli do t’i mungojë edhe Empolit në ndeshjen kampionale kundër Bolognas që luhet të premten mbrëma.

Shqipëria të hënën do ta nis grumbullimin për dy ndeshjet miqësore, me Kilin dhe Suedinë.

Miqësoren me Kilin, Shqipëria e luan më 22 mars në Itali, ndërsa tri ditë më vonë do të përballet me Suedinë në Stokholm. Listën Sylvinho do ta publikojë të premten.