Kryetari i Partisë së Serbëve të Kosovës, Aleksandar Jabllanoviq në një lidhje direkte me edicionin special të Kanal10 ka komentuar zgjedhjen e Trumpit si presidentit të Shteteve të Bashkuara të Amerikës.

Ai ka thënë se që nga fillimi serbët e Kosovës kanë qenë përkrahës të Donald Trump, rapoton Gazeta10.

“Ne serbët e Kosovës nga fillimi janë përcaktuar që të jemi me zotin Trump dhe këtë e kemi ditur, duke e parë që pjesa shqiptare në Kosovë ka qenë e orientuar me kampin e Harrisit, unë jam shumë i sigurt se rizgjedhja e Trumpit si president nuk do të ketë asnjë pasojë qoftë për serbët apo qoftë edhe për shqiptarët, realiteti është që Shtetet e Bashkuara të Amerikës janë aleati më i madh I Kosovës”, tha ai për Kanal10.

Jabllanoviq shton se me zgjedhjen e Trumpit po vie një stabilitet i ri./Gazeta10