Kryetari i SBASHK-ut, Rrahman Jasharaj, ka folur për mos ekzekutimin e pagave duke potencuar se qeveria nuk ka të drejtë që ta ndalojë procedimin e pagave, raporton Gazeta10.

Jasharaj për Gazeta10 tha se ky mesazh është që Kurti ka pasur dëshirë që të vazhdojë greva edhe më tutje.

“Fatkeqësisht pagat nuk janë ekzekutuar, qeveria Kurti e bëri edhe gabimin e radhës, në vend të një mesazhi urues, me deklaratat e tyre dolën që nuk do të ketë paga…Është një goditje dhe një mesazh i keq, dhe qeveria Kurti ka pasur dëshirë që të vazhdojë greva, është një ndëshkim i keq, një mesazh i keq, duke i shkelur të gjitha ligjet, edhe po të ishte ndryshe me ligje, qeveri duhet të kalonte veten dhe të procedonte pagat”, tha Jasharaj për Gazeta10.

Tutje ai tha se qeveria nuk ka të drejtë për ndaljen e pagave për mësimdhënës dhe se ajo ka goditur “pas shpinës” me këtë vendim.

“Mos të harrojë qeveria, ajo nuk ka të drejtë t’i ndalojë pagat, sepse ligji i grevave thotë diçka tjetër…Qeveria ka goditur pas shpine kësaj radhe, në vend të mesazhe pozitive në vend të ulemi dhe të bëjmë çmos që vitin shkollor të vazhdojmë me rrjedha të mbara dhe të japim kontribut të çmuar për të arritur edhe ata që është humbur nga greva, ajo sjellë një vendim”, tha ndër të tjera Jasharaj./Gazeta10.