Juventus është dënuar me heqjen e 15 pikëve për shkak të parregullsive financiare. Ata fillimisht u larguan nga akuzat së bashku me klubet e tjera italiane në një gjyq sportiv në mars 2022.

Megjithatë, çështja u rihap pas një hetimi penal të kryer nga Prokurori i Torinos, i cili nxori në pah më shumë prova të mbledhura nga prokurori i FIGC, Giuseppe Chine.

Gjykata e Apelit të FIGC-së duhet të publikojë motivet brenda 10 ditësh, kështu që afati përfundon të hënën, më 30 janar. Kjo do të thotë se një deklaratë mund të dalë sot (e premte) ose të hënën.

Besohet se Gjykata e Apelit e FIGC (Federatës Italiane të Futbollit) e dënoi Juventusin për shkak të ‘vlerësimit të një sistemi të përdorur nga Bianconerët’ për të dëmtuar klubet e tjera.

Kjo është edhe arsyeja pse gjigantët e Serie A ishin skuadra e vetme e ndëshkuar në gjyqin e dytë, ndryshe nga klubet e tjera italiane, përfshirë Sassuolon dhe Sampdorian.

Juventusi ka njoftuar tashmë se do të apelojë kundër zbritjes së pikëve dhe do të ketë 30 ditë kohë për ta bërë këtë që nga momenti kur Gjykata e Apelit e FIGC do të publikojë motivet e saj.