Juventusi e ka nisur edicionin e ri në Serie A me fitore bindëse, shkruan Gazeta10.
“Zonja e Vjetër” mposhti në shtëpi Sassuolon me rezultat 3-0.
Serinë e golave në këtë ndeshje e hapi Angel Di Maria i cili shënoi golin e parë me fanellën e Juventusit.
Dusan Vlahovic e dyfishoi epërsinë e “Biankonerëve” në minutën e 43-të, nga penalltia.
Për golin e fundit në këtë ndeshje u përkujdes sërish sulmuesi serb, që shënoi pak minuta pasi filloi pjesa e dytë e takimit.
Ndeshjen e ardhshme në elitën e futbollit italian, Juventusi e luan kundër Sampdorias. /Gazeta10/
