KB Peja ka arritur transferimin e basketbollistit kanadez, Devoe Joseph.

Joseph luan në pozitën dy dhe ka eksperiencë në liga elitare të Ukrainës, Spanjës, Turqisë, Francës, Izraelit, Finlandës dhe së fundi ishte pjesë e ekipit Enea Zastal të Polonisë.

Njoftimin për transferimin e kanadezit, Peja e ka bërë të përmes një postimi në rrjetet sociale.

“Devoe Joseph nënshkruan me KB Peja. KB Peja ju njofton se ka nënshkruar kontratë ma lojtarin kanadez, Devoe Joseph. Lojtari i pozitës dy ka një eksperiencë në Liga elite të Ukrainës, Spanjës, Turqisë, Francës, Izraelit, Finlandës dhe së fundi ishte pjesë e ekipit Enea Zastal të Polonisë. Ai pritet që sot të i bashkohet ekipes dhe të i ndihmoj ekipen në vazhdim të kampionatit. Mirë se vjen Devoe”, thuhet në njoftimin e klubit.

Krahas transferimit të Joseph, Peja të mërkurën mbrëma ka njoftuar se ka ndërprerë bashkëpunimin me basketbollistët, Rodney Purvic, Isiah Umipig, Ivan Koljevic dhe Khaliq Spicer.