Ekrem Sefiu dhe Valdet Rexhepi janë dy mjekët e arrestuar në Vushtrri, nën dyshimin se kanë kryer veprën penale “Marrje e ryshfetit”.

Sipas Prokurorisë Themelore të Mitrovicës, i dyshuari E.S. në tri raste, ndërsa i dyshuari V.R. në pesë raste, kanë kërkuar dhe pranuar para nga qytetarët për ofrimin e shërbimeve shëndetësore.

Me vendim të prokurorit, të dyshuarve u është caktuar masa e ndalimit prej 48 orësh, ndërsa brenda afatit ligjor do të paraqitet kërkesa për caktimin e masës së sigurisë për të ndaluarit.