Këngëtari i njohur shqiptar, Korab Shaqiri, dhe bashkëshortja e tij, Lulkaçela Jashari, janë bërë sërish prindër, raporton Gazeta10.
Lajmin për këtë e ka bërë të ditur babai i Korabit, këngëtari i mirënjohur Ilir Shaqiri, përmes një njoftimi në rrjetin social Facebook.
“Mrekulli! Sot Alteu është bërë me një vëlla! Lulja dhe Korabi u bënë prindër për herë të dytë, duke sjellë në jetë Arb Shaqirin, nipin tim të mirë”, shkroi Ilir Shaqiri në Facebook.
Po ashtu të njëjtin informacion e konfirmoi edhe vet interpretuesi i hitit “Verën e kaluar”, përmes një fotografie të publikuar në rrjetin social Instagram.
“Mirë se erdhe në jetë Arb Shaqiri”, shkroi Korabi në mbishkrimin e fotografisë, ku shfaqej data e lindjes së djalit dhe fjala “Baby” e shkruar.
Këngëtari Shaqiri përndryshe përveçse këngëtar, ushtron profesion edhe si ligjërues muzikë në një bartës privat të arsimit muzikor. /Gazeta10
