Raportet ndërkombëtare po vazhdojnë ta rrëzojnë narrativën qeveritare për “rritje ekonomike”, “mirëqenie” dhe “zhvillim historik” në Kosovë.

Pavarësisht propagandës institucionale dhe statistikave të përzgjedhura nga pushteti, indikatorët ekonomikë ndërkombëtarë po tregojnë stagnim të thellë dhe një nivel të ulët të standardit të jetesës për qytetarët.

Sipas raportit të publikuar nga WorldAtlas, i bazuar në të dhënat e Fondit Monetar Ndërkombëtar (IMF WEO 2025) për GDP-në për kokë banori sipas fuqisë blerëse (PPP), Kosova renditet si shteti i dytë më i varfër në Evropë, menjëherë pas Moldavisë.