Suedia ka shënuar fitore ndaj Australisë me rezultat 2-0 në ndeshjen e vlefshme për vendin e tretë të Kupës së Botës për femra, ku Kosovare Asllani ka kontribuar me një gol.

Goli i parë në këtë ndeshje erdhi në minutën e 30-të kur Suedia fitoi penallti, pasi rasti u rishikua në VAR.

Nga pika e bardhë ishte e saktë Fridolina Rolfo për 1-0.

Me këtë rezultat skuadrat shkuan në pushim, ku pjesa e dytë do të vendoste fituesin.

Ndeshja u vendos nga goli i shënuar nga Kosovare Asllani në minutën e 62-të për 2-0 me një goditje të saktë brenda zonës. Suedia fitoi medaljen e bronztë.