Banka në Kosovë po vazhdojnë me ritmin e rritjes së kapitalit dhe fitimeve.

Bankat gjatë muajit shkurt kanë lëshuar 172.20 milionë euro kredi të reja

Sipas raportit të BQK-së, 7.40 miliardë euro ka arritur vlera e asteve bankare, përderisa 4.95 miliardë euro vlera e kredive bruto, raporton Gazeta 10.

Raporti tutje sqaron se vlera e kredive të reja ka arritur në 172.20 milionë euro dhe 78 milionë euro vlera e depozitave të reja.

Shtatë miliardë e 400 milionë euro janë asetet e bankave komerciale në Republikën e Kosovës dhe se investimet e këtyre institucioneve jashtë vendit kanë arritur në 1.20 miliard euro.

Kështu thuhet në statistikat e bankave komerciale për muajin shkurt 2024, të publikuara nga Banka Qendrore e Kosovës (BQK), duke shtuar vlera e kredive bruto ka arritur në 4.95 miliardë euro me një rritje prej 60.40 milionë euro, derisa shuma e depozitave të klientëve është 6.00 miliardë euro.

Sipas raportit, kapitali u bankave komerciale për këtë muaj ishte 894.10 milionë euro.

Tutje, BQK tregon se vlera e kredive të reja ishte 172.20 milionë euro, derisa shuma e depozitave të reja arriti në 78.70 milionë euro.

Po ashtu, norma mesatare e interesit në depozita ishte 2.89%, ndërsa norma mesatare e interesit në kredi ishte 6.34% ku në muajin paraprak ka qenë 6.38%.

Raporti kredi-depozita për këtë muaj ishte në nivelin 82.40%, kurse margjina e normës së interesit në kredi dhe depozita ishte 3.50%. /GAZETA10/