Lideri i Partisë Demokratike të Kosovës , Memli Krasniqi, e ka vizituar ditën e sotme festivalin e rrushit në Rahovec, “Hardh Fest”. 

Krasniqi ka thënë se është krenar se si në vitin 2015, si Ministër i Bujqësisë në atë kohë, ka mbështetur krijimin e këtij festivali, raporton Gazeta10. 

“Jam krenar që si Ministër i Bujqësisë e kam mbështetur krijimin e këtij festivali në vitin 2015, sepse Hardh Fest e ka kthyer vëmendjen kah qyteti i Rahovecit, duke u shndërruar çdo shtator në pikëtakim për dashamirët e rrushit, verës dhe muzikës nga Kosova dhe përtej”, ka shkruar ai./Gazeta10