Kadri Kryeziu, ish-gjyqtar në Gjykatën Kushtetuese ka deklaruar se vendimi i sotëm i Gjykatës Kushtetuese ka lehtësuar punën e Kuvendit.

Sipas Kryeziut, me ligj, vendimet e kësaj gjykate mund të diskutohen mirëpo që prej zyrtarëve pritet zbatimi i tyre.

“Gjykata Kushtetuese në vendet demokratike është zemra e demokracisë. Për vendimet e Gjykatës Kushtetuese janë të drejtë të gjithë qytetarët të japin mendimin e tyre, por edhe zyrtarët. Ata e kanë vetëm një detyrë, zbatimin e vendimeve të Gjykatës Kushtetuese. Ajo diskutohet kudo nëpër botë. Me këtë vendim, Gjykata Kushtetuese e ka lehtësuar punën e parlamentit”, deklaroi ai në emisionin “Adresa” që sonte nisi trasnmetimin në format ndryshe prej sezonit të kaluar.