Dy ditë para takimit në Bruksel, kryeministri i Kosovës, Albin Kurti, ka zhvilluar bisedë telefonike me emisarin e Mbretërisë së Bashkuar për Ballkanin Perëndimor, Sir Stuart Peach dhe këshilltarin special të Departamentit amerikan të Shtetit, Derek Chollet, shkruan Gazeta10.

Në bisedën me Peach është theksuar nevoja për një marrëveshje të përqendruar në njohjen e ndërsjellë me Serbinë.

“Para diskutimeve në Bruksel, pata një telefonatë produktive me të dërguarin special e Mbretërisë së Bashkuar për Ballkanin Perëndimor, Sir Stuart Peach, duke theksuar nevojën për një marrëveshje të përqendruar në njohjen e ndërsjellë dhe marrëdhëniet e fqinjësisë së mirë” – ka shkruar Kurti në Tëitter.

Kurse me këshilltarin Chollet, Kurti ka shkruar se kanë biseduar për shumë çështje, duke përfshirë edhe dialogun me Serbinë.

“Telefonatë e frytshme për shumë çështje duke përfshirë dialogun me Serbinë; duke theksuar rëndësinë e një marrëveshjeje të përqendruar në njohjen reciproke. Ai përcolli përshëndetjet e Sekretarit Blinken pas takimit tonë të mrekullueshëm në DC muajin e kaluar”, ka shkruar Kurti në Twitter. /Gazeta10

Ahead of discussions in Brussels, I had a productive phone call with 🇬🇧 Special Envoy to the Western Balkans Sir Stuart Peach, emphasizing the need for an agreement centered on mutual recognition and good neighborly relations.

— Albin Kurti (@albinkurti) August 16, 2022