Kryeministri i Kosovës, Albin Kurti, gjatë fjalimit të tij që sapo ka përfunduar lidhur me zhvillimet e fundit në Kosovë, ka thënë se dhuna nuk do të tolerohet, raporton Gazeta10.

Ai ka thënë se ata që ushtrojnë dhunë do të përballen me shtetin e së drejtës dhe me forcën e ligjit.

“Dhuna nuk do të tolerohet. Dhunuesit do të dënohen nga shteti i së drejtës me forcën e ligjit”.

Kurti ka falënderuar qytetarët që kanë treguar qetësi teksa ka premtuar se nuk do të tolerojë destabilizimin e vendit.

“I falënderojmë qytetarët tonë për qetësinë, durimin dhe përkrahjen. Nuk do të lejojmë destabilizimin e rendit kushtetues demokratik të republikës sonë dhe do të kujdesemi që të mbizotërojë ligji dhe paqja për siguri dhe mirëqenie për të gjithë qytetarët pa dallim”.

Kujtojmë se mbrëmë Kosova u përballë me tensione dhe destabilizim në veriun e vendit meqë qytetarët serbë atje kanë bllokuar rrugët me kamionë pasi institucionet e Kosovës kishin paralajmëruar vendosjen e reciprocitetit me Serbinë për targat dhe letërnjoftimat. / Gazeta10