Këshilltari i kryeministrit Albin Kurti, amerikani me prejardhje kineze, Tienmu Ma ka përfunduar doktoraturën e dytë në Universitetin e Lucernit, në Juridik.

Kështu ka njoftuar kryeministri Kurti përmes një postimi në Facebook, teksa ka shpërndarë edhe disa fotografi me stafin e tij nga momentet e festës në Zyrën e tij, transmeton Gazeta10.

Siç ka njoftuar Kurti, Tienmu kishte doktoruar edhe në vitin 2011 në New York për filozofi.

Postimi i plotë:

Tienmu, me dy kapela doktori

Të parën në 2011 në Universitetin e Nju Jorkut, në filozofi, me temë “Puna, mundësia dhe drejtësia”. Të dytën në 2023 në Universitetin e Lucernit, në juridik, me temë “Ndryshimet klimatike, pabarazia dhe liria nga diskriminimi”. Tienmu Ma angazhohet për politika të mira publike, si këshilltar i jashtëm probono në kabinetin tim.

Sot ia uruam dhe festuam avancimin kulmor akademik të tij për të dy doktoratat.