Gjatë ditës së sotme duke filluar nga ora 12:00, Qeveria e Kosovës do të mbajë mbledhjen e radhës.

Për këtë mbledhje nuk janë bërë të ditura pikat e rendit të ditës. Sipas informacioneve pas mbledhjes, do të ketë konferencë për media nga kryeministri, Albin Kurti dhe ministrja  e Punëve të Jashtme dhe Diasporës, Donika Gërvalla Schwarz.

“Mbahet mbledhja e Qeverisë së Kosovës dhe konferencë për media e Kryeministrit Albin Kurti dhe Zëvendëskryeministres dhe ministres së Punëve të Jashtme dhe Diasporës, Donika Gërvalla Schwarz”, thuhet në njoftimin e kryeministrisë.

Po ashtu është bërë e ditur se pas konferencës për medie, Zyra e Kryeministrit do të organizojë pritjen e fundvitit për gazetarë.