Kryeministri në detyrë i Kosovës, Albin Kurti, është pyetur në emisionin “Politiko” për mungesën e reagimit të tij lidhur me protestat e studentëve shqiptarë nga Kosova dhe Shqipëria në Maqedoninë e Veriut, të cilët kundërshtuan mospërfshirjen e gjuhës shqipe në provimin e jurisprudencës.

Kurti tha se në këtë fazë nuk e ka parë të nevojshme të ndërhyjë publikisht në këtë çështje, duke theksuar rolin institucional që ka dhe përfaqësimin politik në terren.

“Nuk më është dukur që në këtë fazë, kur e ke deputetin e VV në VLEN, të flas unë. Jam duke e bërë më shumë komentuesin sesa përfaqësuesin, sepse nuk jam përfaqësues”, tha Kurti.