Kryeministri i Kosovës, Albin Kurti, ka zhvilluar një takim në Paris me emisarin e BE-së për dialogun Kosovë-Serbi, Peter Sorensen.

Gjatë takimit, Kurti dhe Sorensen kanë diskutuar për ecurinë e dialogut Kosovë–Serbi dhe procesin e normalizimit të marrëdhënieve ndërmjet dy vendeve.

Përmes një njoftimi, Sorensen bëri të ditur se në fokus të bisedës ishte rruga përpara në kuadër të Dialogut të Brukselit, si dhe aspektet e ndryshme të procesit të normalizimit.

Ai theksoi se, me institucionet tashmë të konsoliduara në Prishtinë, diskutimi u përqendrua në hapat e ardhshëm të dialogut dhe rëndësinë që ky proces ka për qytetarët në terren dhe për stabilitetin e rajonit.

Good exchange with PM Kurti today in Paris. With institutions now in place in Pristina, we discussed the way ahead in the Belgrade-Pristina Dialogue and the different aspects of the normalisation process, which matter for people on the ground and for the region. pic.twitter.com/cTNuEbuFVr

— EUSR for Belgrade-Pristina Dialogue (@EUSR_Dialogue) November 11, 2026