Pas takimit të sontëm në Bruksel janë deklaruar për Kanal10, Gabriel Escobar, Miroslav Lajçak dhe Albin Kurti. 

Kryeministri i Republikës së Kosovës, Albin Kurti, ka deklaruar se Kosova është për reciprocitet me Serbinë, transmeton Gazeta10. 

I pyetur se nëse nesër do të arrihet një marrëveshje për dokumentet e udhëtimit mes Kosovës e Serbisë, Kurti ka thënë se përderisa ekziston reciprociteti për targa, e duam edhe për dokumentet e udhëtimit. 

“Unë jam për dialog, për marrëveshje, por kjo nuk varet vetëm prej meje. Ne duam parimin e reciprocitetit me Serbinë, e kemi sa i përket targave, e dëshirojmë edhe sa i përket dokumenteve të udhëtimit”, ka thënë Kurti./Gazeta10