Sulmuesi me prejardhje shqiptare, Leon Dajaku karrierën do të vazhdojë në futbollin kroat.

Dajaku ka kompletuar transferimin e tij te skuadra e njohur kroate Hajduk Spliti.

22-vjeçari ka nënshkruar kontratë kater vjeçare me Hajdukun, të vlefshme deri në verën e vitit 2027.

Dajaku së fundi ishte huazuar te klubi i Superligës së Zvicrës, St. Gallen nga Sunderlandi i Kategorisë së Dytë të Anglisë.

Ai ka qenë pjesë e ekipit të madh gjerman Bayern Munich e po ashtu edhe e Union Berlinit e Stuttgartit.

Dajaku është shprehur mjaft i lumtur me kalimin e tij te Hajduku.

“Jam i lumtur për ardhjen në Hajduk, do të jap maksimumin në fushë dhe shpresoj që të gjithë të kemi një sezon të mrekullueshëm së bashku”, ka deklaruar Dajaku.

22-vjeçari ka qenë pjesë e grupmoshave të reja të Gjermanisë, teksa nuk ka bërë asnjë paraqitje me ekipin A.