Në emisionin “Politiko”, me gazetarin Kushtrim Sadiku u shtru debat i ashpër mbi fatin e armatimit të konfiskuar nga sulmi i së dielës në veri.

Analisti Nexhmedin Spahiu ka thënë se nëse është e vërtetë që do të shkatërrohet ky armatim i madh do të ishte “budallaki”.

“Ajo që më shqetësoi është ajo çka tha mbrëmë Hisen Berisha i cili tha që sipas ligjit ky armatim sipas ligjit do të shkatërrohet. Nëse ligji thotë kështu atëhera qenka ligj i budallëm”, tha Spahiu.

Ai ka thënë se armatim të madh mund të këtë edhe në komunat tjera pasiqë nuk ka logjikë që të bëhet ajo çerdhe në Zveçan dhe të mos bëhet në komunat tjera.

Eksperti i sigurisë, Nuredin Ibishi tha që armatimi i konfiskuar nuk i përket standarteve të NATO-s dhe nuk mund të inkorporohet në asnjë prej sektorëve të sigurisë dhe kështu shumica e tij do të shkatërrohet. /Gazeta10/